Municipal ketdangsertem atema training tenzükogo

Kohima, May 24 (TYO): Department of Urban Development, Government of Nagaland, den Regional Centre for Urban & Environmental Studies, Osmania University, Hyderabad-i ayonga May 24, 2017 nü Conference hall, Department of Urban Development nung Nagaland nung Municipal ketdangsertem atema anogo asemnü AMRUT Training tenzükogo.
Iba training tenzükba sentong nung jembidang Urban Development Secretary, Mhotsuthung Lotha, NCS-i, terenlok atema Skill Development, Capacity Building aser Human Resource Development nung rangloker inyaktsü nüngdak, ta metetdaktsü.
Bendanger aikati linük nung sector balala nung sen indoka inyaktsü melunga lir, ta shia pai, capacity building aser human resource maliba ajanga, asenoki asen state nung parnok nem sen indoka inyakdaktsünüaka takok mangur, ta ashi.
“Tamalenbo sentong balala atema awareness ji agency mesüra authority nem dang agüja liasü, saka tangbo ajungaji melenshia ajaki shilem agitsü nüngdaker,” ta paisa ashi.
Training agirtem ayongzüka pai iba sentong takok angutsü atema nendaka inyaktsü ayongzük.
Iba training sentong tetenzük ya Director, RCUES, Hyderabad Director, Prof. Y. Pardhasaradhi leniba nung agi aser Urban Development Director-i lokti pelaa agizüka jembia liasü.
Anogo asemnü training nung Urban reforms: challenges: Significance of leadership, AMRUT mission okila, components & process, SLIP’S & SAAP’S, service level benchmarks, reform oriented projects; E-Governance best practices: Strategies, accountability & transparency; Urban infrastructure projects: Water, sewerage: Context of AMRUT; PPP Model of Parks; PPP: Significance & potential: PPP Pilot projects; Stakeholder participation: Solid Waste Management: Preparation of DPR: Components: AMRUT; and Financing options for Urban Development; concept of CSR & strategies to mobilize funds onüktem nung agitsü.