Longkumer Gas Agency-i metetdaktsür

Mokokchung, May 25 (TYO): LPG refill alidang subsidy sen consumer account-i aiba ya central sorkar nungi indang-indanga agütsür, aser iba subsidy angutsü asoshi teinyaktsü kar lir, ta Longkumer Gas Agency (Mokokchung) ajanga nüburtemi meteta alitsü asoshi sangdong ka agütsü.
Teinyaktsü rongnung mezüngbubaji; consumer bank account aser Adhaar number-ji Longkumer Gas Agency nung arua agütsütsüla (link asütsü atema). Tanabuba nung; mobile phone nung SMS arutsü asoshi, bank nung nenok number register asütsüla, aser tasembuba nung consumer karbo bank account aika alitsü, Nagaland Rural Bank dak alaka, nenok Adhaar bank nung linked süa lira, central sorkari nenok bank account mashie ka nung subsidy-ji inoktsütsü.
Anungji, LPG refill asüdang subsidy aginürtemi temalen agüja aliba teinyaktsütemji inyaktsüla. Iba dak sendakba nung mangatetba aser timtem kar danga lira, Longkumer Gas Agency nung arua tongteprateptsü mepishir, ta kasa sangdong nungsa metetdaktsü.