Sri Lanka nung anentsüh aser tzümetsüng lendong nung nisung 91 asü

Colombo (Sri Lanka), May 26 (Agencies): Hokolbarnü Sri Lanka linük nung tesem aika nung anentsüh aluba sülen anentsüh aluba tesem ka nung nüburtemi tasümang bushiba noksa nung angur.

Colombo (Sri Lanka), May 26 (Agencies): Hokolbarnü Sri Lanka nung anentsüh aser tzümetsüng lendong nung nisung 91 süogo aser nisung 42 tashi samaogo, ta tanü Disaster Management Centre-i metetdaktsü.
Linük nung item lendong agi kongshiba tamajungtiba tesemji Kalutara lir, aser iba tesem nung nisung 8,000 jungnüai pei talidak ki toktsür ogo, ta DMC-isa metetdaktsü.
“Taonung tashi nung nisung 91 asüba aser nisung 42 samaba osang lir,” ta DMC-i sangdong ka nung metetdaktsü.
Sri Lanka nung tzünglu agi takümsa tamajungba teraksatsüba bener arutsüdar.
2016 küm May ita nunga linük yimtiba, Colombo nung tenemzük tesemtem nung tzü metsüngba lendong ajanga nisung noklang ka dak tema süa liasü.
Sri Lanka sorkari Kelani ayongküm nung aliba nüburtem dang, iba ayongtzü kanga kera metsüngdar, anungji kanga kümdanga alitsüla, ta metetdaktsüogo.
Teyari maparen balala inyaktsü atema sorkar mapa inyakertem nem sodi magütsütsü sorkari sangdongba den külemi taruba ghonda 72 kanga kümdanga alitsü nüburtem dang metetdaktsüogo.
Brihostibarnü nungi tenzüka linük tesem aika nung tzünglu sashia aruba ajanga gari lenmang aser ki aika tzü agi metsüngbangogo.
Ano Sabaragamuwa province nungbo ketdangsertemi school tem melapoktsü metetdaktsüogo.
Nüngdakbapurtem kümzüktsü atema tzüyim sepai 100-i rong 20 amshia kümzükba maparen teinyakdak lir.
]Ano Air force-ia helicopter aser tayimtsü amshia rongdak nüngdak kümzükba maparen inyadar.