Karnataka nung Yeddyurappa BJP CM candidate asütsü: BJP

New Delhi, May 26 (Agencies): Sangküm Karnataka assembly election nung taoba state Chief Minister, B S Yeddyurappa BJP chief minister candidate asütsü, ta Hokolbarnü BJP Tir, Amit Shah-i metetdaktsü.
Osangbener den jembidang Shah-i, taküm Gujarat assembly election nung Chief minister Vijay Rupani Chief Minister candidate asütsü, aser party-i menden 150 dak tema angutsü, ta metetdaktsü.
“Karnataka election ji Yeddyurappa leniba nung tokteptsü,” ta Shah-i ashi.
Arishi küm 74, Yeddyurappa ya tongtibang Lingayat lenir ka lir aser 2008 küm Karnataka assembly election nunga pa leniba nung BJP-i takok ngua liasü. Ajisüaka pa anema ken o benokba sülen pa CM menden nungi alua liasü.
Iba sülen 2011 küm pai party tasen ka tentet, saka par party-i 2013 assembly election nung tamakok ngua liasü.
2014 küm Lok Sabha election agitsü mapang ana nung lia pa tanaben BJP dangi meyipa liasü.