OnePlus 5 mechi OnePlus 3T yangluba anentsü

May 26, 2017 (Agencies): OnePlus 5 smartphone flagship nem lenmang lapoktsütsü mechi OnePlus 3T yangluba anentsü atema company-i telemtetba agiogo.
OnePlus 5 phone ya India nung Snapdragon 835 chipset keta aliba phone mezüngbuba, ta Qualcomm India aser OnePlus ajanga metetdaktsüba sülen iba maparen tasen ya inyaker.
OnePlus indang blogpost ajanga ashiba agi, OnePlus 3T alitsü asoshi tatembangbuba ajar aser iba smartphone ya isheka dang anünga lir.
OnePlus 3T ya 2016 küm jenjang talang nung phone tajung rongnung ka liasü.
OnePlus 3T aser OnePlus 3 atema software tasen yanglutetaka iba software atema warranty mali, ta company ajanga ashi.
OnePlus 3T smartphone ya OnePlus 3 yanglushiba lir aser iba phone ya 2016 küm June ita nung sen 27,999 yong saya liasü. OnePlus 3T phone ya OnePlus 3 dang nungi processor tasenba, battery tuluba aser tejaklen camera tajungba lir.