Mkg nung Mental Health training agiogo

Mkg, May 26 (TYO): May 25-26, 2017 anogotem nung IMDH Mokokchung nung health centre ajak nungi nurse tem atema Mental Health Programme ka kaogo.
Iba sentong nung Medical Superintendent IMDH Mokokchung, Dr. Medem-i training agirtem pelaa agizükdang, medical ketdangsertem densema ajak atema tekolok-shisatsü anema aliba onük ya tasen ka lir, anungji shilem agir ajaki nendaka angazüktsüla, ta ajungshi.
State Programme Officer on Mental Health, Directorate of Health & Family Welfare Kohima, Dr. Khriezothou Paphino-ia shilem agirtem dang Mental Health onüktem nung shisatsü arangshitsü ayongzük.
CMO Mokokchung, Dr. S.S. Akaba-ia nurse tem dang pei tajungtiba agi iba training nung adentsü ajungshi.
Shisalen sayur, DPO (RCH & UIP) & Nodal Officer DMHP, Dr. Temsuyanger-i Mental Health Care dak sendakba nung nurse tem shilem aser teinyaktsütem metetdaktsü.
Pai ashiba agi, mental shirangba ya shisatsü tashidak ka lir, aser iba nungji teshisadangba mesüra yimyatsüya nung timtem alir, koba ajanga taküm nung nüngdakbatem meinyakteter.
District mental health timtem indang jembidang Temsuyanger-i, DMHP OPD-i aruba ajema lir, aser ibaji talisa mental tashidaktem indang rajema maliba ajanga lir, ta metetdaktsü.
Ano shisalen sayur, Psychiatric nurse DMHP, Ajungla-ia ‘Anxiety & Mood disorder’ indang lemsatepa liasü.
Iba training nung sub centre, IMDH, Woodland Nursing Home aser T.B Hospital densema health centre ajak nungi nurse 80 aden.