MDLSA-i orphanage home nung painting tetoktepba agi

Dimapur, May 26 (TYO): Mon District Legal Services Authority (MDLSA)-i May 25, 2017 nü orphanage home, Wangla yimtsüng nung painting tetoktepba ka ayongzüka agi.
Iba orphanage home ya Mon nungi kilometer 55 shi pilar lir.
Tetoktepbaji class 4 aser class 5 kaketshirtem atema liasü aser Ngamzie-i mezüngbuba jenjang, Jungan-i tanabuba aser Jushon-i tasembuba jenjang takoktem angu.
Iba sentong nung Legal Aid Council MDLSA N. Mannon Konyak, Panel Lawyer MDLSA Dominic Kaiba, Panel Lawyer MDLSA M. Moba Konyak, PLV MDLSA Tingkai, PLV MDLSA Penngam, PLV MDLSA Miss Phamsa aser PLV MDLSA Nyemin nungertem aden.