al-Sisi-i kiralongrartem anema raratsü nangzük

Minya, May 27 (Agencies): Khristan tepsetba telungpurtem training agiba teseptem Egypt tayimtsütem ajanga Libya nung makogo.
Egypt Tir, Abdel Fattah al-Sisi-i ashiba agi, pai kiralongrar teseptem amaktsü atema tetuyuba agütsü aser kiralongraba nung yaritepa linüktem merenshitsü, ta paisa shisem.
Kiralongrartemi Coptic Christian tem telok ka amakdang nisung 29 tepsetba aser 24 yirutsüba sülen Libya kübok Derna tesem anasa tesem 6 amak, ta Egypt mitkar osang ka ka ajanga metetdaktsü.
“Kiralongrartemi inyakba mapaji odangbo meyutsütsü. Onoki kiralongrar training agiba teseptem amaktsü” ta Sisi-i ashi.
“Egypt anema mapa inyakertem training agiba tesemtem maneni amaktsü. Egypt nung süaka mesüra tanga linük nung süaka, onoki amaktsü” ta paisa shisem.