Khar yimdak dental health camp kaogo

Khar (Mokokchung), May 27 (TYO): Indian Dental Association, Nagaland State Branch-i ayongzüka May 27, 2017 nü Mokokchung district kübok Khar yimdak angati Oral & dental health camp ka katsüogo.
Iba camp ka campaign ka mesüka liasü aser Kohima nung amungtsü aliba 10buba North east Regional Dental Conference nüngtem nung ayongzüka liasü.
Dr. N Moa Jamir Senior Dental surgeon, IMDH, Mokokchung leniba nung district nungi tepu doctor tem aser Khar sub-centre nungi Medical staff temi yaritepa iba camp kaogo.
Tepu dak sendakba timtem alir nisung 160 tenüng züluoka iba camp nung angati teyari agi. Parnok rongnungi nisung 51 tepu agizüka intoktsü, nisung 15 oral prophylaxis (merüktsü), nisung 16 tepu melentsü, nisung 25 nem tepu anepalutsü shisatsü agütsü aser tanüngbatemji general patients ama anepalua liasü. Iba camp nung Medical officer CHC Mangkolemba, Dr Jetilo Magh-a den iba sentong takok ngua katetogo.