Gari lendong nung nisung ka asü

Dimapur, May 27 (TYO): Honibar nikongdang 3:30 ako meta Kukidolong apu anasa Bolero gari ka Chathe ayongi longoka ai aser iba lendong nung nisung ka asü aser ana yiruogo.
Gari nungji nisung asem mena lia lendongji ajuru aser par asemprong yirur Zion Hospital-i anir ao, saka Notoka N Chishi (20) ta ser nisung ka asü, ta osang angazüker.
Tanüngba nisung anaji mozükidang anepaludar. Iba osang zülu tashi nung gari lendong atalokba osang tejangja menguteti liasü.