New York, August 19 (Agencies) : Hollywood actor Robert De Niro tasoba anogo benjung nung India nunger actor tejen Anupam Kher jaok aser iba mapang pai David O’Russel aser Bradley Cooper na den ajuruep.
O Russell indang Oscar takok anguba film ‘Silver Linings Playbook’ nung Anupam-i De Niro den külemi shilem agi aser pai Twitter ajanga De Niro tasoba anogo benjung nung jaokba atema pelaba metetdaktsü.
“Mr. Robert De Niro-i New York nung pa tasoba anogo benjung nung adentsü jaokba atema kanga pelar. Iba ya maongka lir aser David O’Russel o Bradley Cooper na den ajurutep” ta Anupam-i ashi.
Arishi küm 60 tain Anupam tang US nung ‘Mera Woh Matlab Nahi Tha’ film atema arua lir.
De Niro indang tasoba anogo benjung nung pai ‘Star Wars’ film director George Lucas dena ajurutep.
Robert De Niro tasoba anogo nung Anupam Kher jaok added by asungba on
View all posts by asungba →
You must be logged in to post a comment Login