Brahmaputra ayong nung nisung ka asü

Guwahati, May 28 (Agencies): Deobarnü Guwahati nung Saraighat apu nungi nisung ka Brahmaputra ayong nung pongoka suseta asü.
Suseta asüsang ya Amingaon, Post Office colony nung alir Rajesh Biswas ta jangjaogo. Pa ya cancer agi shiranga liasü aser khuret makok shisa rama-a jashiba agi suseta asütsü molungtet südi, ta local temi temolung melemi bilemba metetdaktsü.
Saraighat apu ya suseta asüdak tesem ka kümogo aser taoba mapang nunga iba apu nungi pongoka suseta asüba osang aika metetdaktsüogo. Taoba küm June ita 19 nüa nisung kati pa kinungtsü aser jala mardol agi akosetba sülen pa Brahmaputra apu nungi pongoka suseta asüba osang angazükogo.