Manipur indang Rajya Sabha menden BJP-i angu

Imphal, May 28 (Agencies): Manipur nungi Rajya Sabha nung menden ka atema election agiba nung BJP-i takok anguba asoshi BJP Manipur unit tir, Khetrimayum Bhabananda-i anir ketdangsertem den India Ato Kelonser, Narendra Modi-i tepela lemsatep.
“Rajya Sabha menden asoshi Manipur nungi BJP-i mezüng takok tetsüngta tulu agi koktetba asoshi ni kanga pelar. Manipur BJP aser Bhabananda dang pelar,” ta Modi-i pa indang Twitter nung zülutsü.
Manipur atema Rajya Sabha nung menden ka lir aser iba menden atema Brehostibarnü election agiba nung Bhabananda-i akok.
Manipur assembly nung menden 60 aliba nungi Bhabananda-i tetsüngta vote 18 agi pa den tokteper Congress telok nungi Elangbam Dijwamani madak takok angu. Rajya Sabha menden asoshi toktepba nung Bhabananda-i vote 39 aser Dijwamani-i vote 21 ngutet.