Anushka Sharma, SRK aser Katrina Kaif külemi shilem agitsü

Mumbai, June 02 (Agencies): Director Aanand L Rai indang taruba film nung Shah Rukh Khan ‘Jab Tak Hai Jaan’ film nung külemi shilem agir Katrina Kaif aser Anushka Sharma na den tanaben longjemogo.
Rai indang film tasenba nung Shah Rukh shilem agitsüba osang sangdongli nungi osang balala nung maneni agütsüdar. Iba küm tetenzükdang Katrina iba film nung shilem agitsüba jangjar liasü saka film nung ano tongti shilem nung tetsür ka inoksemtsüba atema tebilemdangba aika lemsatepa liasü. Iba film ya Red Chillies Entertainment aser Colour Yellow Productions-i produce asütsü.
Film yanglurtemi iba film nung shilem agitsü asoshi Anushka shimogo.
“Kü indang taruba film nung Shah Rukh aser Katrina na den külemi Anushka densemba atema ni kanga jangra atemer. Mezüng anogo nungi Anushka-i la indang shilem den kanga junga sendaktepogo,” ta Rai-i ashi.
Deobarnü Film City nung Rai indang film set kilem jirepa liasü. Iba lendong nung crew member ana terara yirua liasü. Film tangokba khen atema anena lir aser maneni iba hopta tatemlen nungi tangok tenzüktsü.
Iba film ya 2018 christmas mapang sayatsü asoshi renema lir.