China nung Khristan okatsür kati reshikangshiba osang metetdaktsü

Beijing, June 2 (Agencies): China nung Khristan okatsür kati pa tepuokdak reshikangba indang osang metetdaktsü.
China sorkari meimchir temeten anema mapa inyakba indang osangji okatsür Li Heping-i ashi. 2015 küm pa human rights lawyer 250 den külemi apu.
Li aser tanga okatsürtem tepuokdak takdang tilala nung ayu aser parnok züka merenshiba den, junga memejangdaktsü, memetetba mozütem chidaktsü aser electric shocks agütsü, ta China Aid ketdangser Bob Fu-i ashi.
China tir Xi Jinping-i sentong tamajungtem atongba aitsür, ta Fu-i metetdaktsü.
“Xi-i Maoist inyakyim tenzük aser reshikangshiba maparen kanga mejungi inyaker. Iba ya alimai aitsütsüla. Xi-i China nung human rights lawyers aser rights advocates samatsütsü meranger” ta paisa ashi.
Taküm March ita Freedom House-i bushitetba nisung Khristan million 100 shi China nung reshikangshi tapu balala ajurur.