IIFA 2017 awards New York nung amungtsü

Mumbai, June 02 (Agencies): Taküm July ita New York nung International Indian Film Academy (IIFA) Awards alitsü ta osang metetdaktsüogo.
18buba IIFA Award sentong ji film yanglur Karan Johar menden ser agitsü aser iba Awards atema pa indang film “Ae Dil Hai Mushkil” züngsema lir.
‘Ae Dil Hai Mushkil’ film ji telemsa 8 nung züngsema lir aser iba sülen “M.S. Dhoni: The Untold Story” telemsa 7 nung züngsema lir.
IIFA Weekend & Awards ji July 13 nungi 15 tashi agitsü aser iba sentong nung Indian film, kenten, tsüngsang aser fashion benjungtsü.
Iba dak sendakba nung Bollywood actor tem- Salman Khan, Katrina Kaif aser Alia Bhatt nungeri Mumbai nung osangbener senden ka nung osang kar metetdaktsü aser parnokisa yimti pungu- New York, London, Dubai, Chicago aser Houston nung live video conference liasü.
IIFA Rocks 2017 nung A.R. Rahman, Diljit Dosanjh, Benny Dayal, Javed Ali, Neeti Mohan, Jonita Gandhi aser Haricharan Seshadri nungertemi kentenba shilem agitsü.
IIFA Rocks nung Riteish Deshmukh aser Manish Paul nati len anitsü aser iba sentong ya sempet agütsüba anogo matongdang agitsü.
Sentongji Metlife Stadium nungi Colors channel nung live sayutsü aser Salman, Katrina o Alia nunger dak alia Shahid Kapoor, Sushant Singh Rajput aser Kriti Sanon nungeria shilem agitsü sentong lir.
International Indian Film Academy (IIFA) Awards ji Wizcraft International Entertainment ajanga ayongzüker aser parnoki New York nung iba dak sendakba jili sentong ka ayongzüka agiogo.
Tang agi tanabenbuba IIFA ya United States nung agitsü. 2014 nunga iba sentong ya Tampa Bay nung ayongzüka agia liasü.