Mkg DPDB senden June 6 nü amentsü

Mokokchung, June 02 (TYO): Ita shia amenba Mokokchung District Planning and Development Board (DPDB) senden June 6, 2017 (Mongolbar) anepdang 10:00 ako nungi tenzüka ADC Planning Conference Hall, Mokokchung nung amentsü, ta ketdangser sangdong ka nung metetdaktsü.
Iba senden ya Chairman DRDB, Mokokchung tasenba, Merentoshi R. Jamir leniba nung amentsü.
Iba dak sendakba nung Board züngsem ajak dang mapang nung temelenshiji züngoka yur iba senden nung medema arua adentsü mepishia metetdaktsür, ta kasa sangdong nungsa shia lir.