Mkg nung World Environment Day amungtsü

Mokokchung, June 02 (TYO): World Environment Day anogomung nüngtem nung Department of Environment, Forest & Climate Change, Nagaland-i June 5, 2017 nü Town hall, Mokokchung nung “Connecting People to Nature” omen nung ajemdaker sentong ka ayongzüka amungtsü, ta Hokolbarnü ketdangsertem osang ka ajanga metetdaktsüogo.
Iba sentong nung tongti tesemdangerji Nagaland Legislative Assembly Speaker, Dr. Imtiwapang Aier asütsü.
Kasa sentong nung Environment, Forest and Climate Change Minister, Imkong L. Imchen, Parliamentary Secretary, Principal Chief Conservator of Forest aser tongtibang ketdangsertema adentsü.
Iba anogomung nüngtem nung Mokokchung district kübok Village Council temi telemtetba kar bangzünga ayutsü, ta kasa osang ajangasa ashi.