Dmr nung onlybafo.com online payment facility tenzükogo

June 02, 2017 nü sentong ka ayongzüka The Institute of Music Education,  Duncan Basti Dimapur nung onlybafo indang online payment facility systems sangdongba sentong nung Managing Director, T,I,M.E(The instititute for music education), Yanger, onlybafo.com kibur, Wati Imsong, Academy Director (The instititute for music education), Yanpo aser Proprietor (Gethsemane Eatery), Putinungla nunger tangokba noksa nung angur. 

Dimapur, June 02 (TYO): Nagaland nung stores atema e-commerce & information website, www.onlybafo.com taküm March ita nung tenzüka liasü, aser tanü sentong ka ayongzüka The Institute of Music Education, Duncan Basti Dimapur nung parnok indang online payment facility systems sangdongogo.
Tang Dimapur aser Mokokchung na nungi Onlybafo nung store 30 shi register süa lir, aser register asüba store shia peipei indang webpage lir aser peisasa ketdangsüa inyaker.
Item stores rongnung süoshi aser chiyungtsü nungi tenzüker musical instruments aser home décor store tem lir.
Iba ya ajangasa Dimapur nung restaurants aser hotel tem indang temetettsütem agütsür. Iba website-i store trok indang online payment facility sangdongogo aser maneni tarutsü nung store aika indanga sangdongtsü.
Store trokji- Little Store, P. P.33, Delicacies of Nagaland, Crescendo, Unique bakery (Mokokchung) aser Imchens Kitchen lir.
Onlybafo ajanga Dimapur aser Mokokchung nung deliver sütsür, aser maneni parnoki state nung tanga tesemtem aser India nunga deliver sütsütsü.