US-i anir inyakba airstrikes nung civilian 43 tepset

Raqqa, June 3 (Agencies): Syria kübok Raqqa yimti nung US-i anir tayimtsütem amshia amakdang civilian 43 tepset, ta Honibarnü ketdangsertemi metetdaktsü.
Tayimtsütem jagi Raqqa nung al-Jamili ki dak tenük yoka amak aser iba mapang tetsür aser tanurtem aika asü, ta SANA news agency ajanga ashi.
US-i Raqqa nung tayimtsütem amshia kiralongrartem amakba maparen nung civilian aika taküm laludar. Iba yimti ya Islamic State (IS) kiralongrar telok indang yimtiba ka ama lir.
Anogo ana tejakdang Raqqa nungsa US-i anir tayimtsütem ajanga amakdang civilian 20 tashi tepset. Taoba Deobar nüa kasa tayimtsü agi amakdang civilian 20 tepset.
Taoba Brihostibarnü IS-i agia aliba Mayadeen yimti nung airstrikes ajanga civilian 35 tashi tepset. Syria sorkari civilian tem tepsetba tatalokba aija arur aser parnoki Syria nung US-i anir kiralongrar anema raraba inyakyimji ozüngi memelar, ta tai tongloktsür.