Tan ita Syria yimjung olemtep alitsü

Moscow, June 3 (Agencies): Syria yimjung olemtep tan June ita tomlen Kazakh yimtiba nung alitsü ta Russia nung Syria ambassador-i Honibarnü metetdaktsü.
Iba olemtep nung Russia, Iran aser Turkey linüktem adentsü, ta Ambassador Riyad Haddad-i ashi.
“Astana nung June 12 aser 13 agogotem olemtep alitsü jaokba shidi nguogo” ta Haddad-isa shisem. Ajisüaka, Syria nung telungpur telok anatibo parnok dangi shidi maru ta ashi.
May ita tesüsaba olemtep nung Syria sorkar pusemertem- Russia o Iran aser telungpurtem pusemer Turkey linüktemi rara ajema kümdaktsütsü atema “de-escalation zones” pezü shimtsü lemtet.
Parnoki shimba “de-escalation zones” nung anüng nung tayimtsütemi bomb pokloktsüba malitsü lemtet aser ibaji ajanga rara tajemba kümdaktsüogo.