CHURCH league 2017 tembangogo

Dimapur, June 03 (TYO): Church League 2017 tanü Dephubar ground nung CABA aser DABA na final asaaya tembangogo. Ita asem tashi iba asayamong Dimapur aser temeket nung aliba arogo balala tsüngda asayaa liasü. Final asaya nung DABA-i 3-2 agi CABA madak takok angu.
Church League 2017 ya TEAMMATE puri ayongzüka liasü. Parnoki asaya balala ajanga Nagaland nung Tsüngrem osang prokshir.
Teammte puri Tsüngrem osang perokba aser football asayaba den külemi asayartem aser sentepa aliba telok ajak asaya dak ajemdaker lenmang aisü nungi taküm tepeyong benshia aotsüba tangazükba balala agüja liasü.
Iba asayamong ya arogo balala nungi lanurtem tesendaktep akangshitsüba aser jangratem asayatsüba dak alaka ano parnoki lanur asayar tajung bushitetta parnok jenjang temaba nung shimtsü asoshia maongka agütsütsü nükjidong nung ayonzük.
Coach Daniel shiba All India football federation nung license football coach ka lir, pa dang iba asayamong indang asüngdang dang pai ashiba agi, “Iba ya kanga dang sentong tajungka lir aser osang tajung proktsü asoshi tanga kin arogo tema jaoktsüla. Ministry tem rongnung kanga junga shishadanger inyakba rongnung iba yaa tajungtiba ka lir aser lanurtem sempet aketba asayar tajung aika ni angur.”
Asayamong ayongertemi asaya ajanga osang tajung peroktsü asoshi temolung nung yur iba sentong ayongzük. Asayamong Tatembangbuba sentong nung, Sumi Students Union dimapur,Nagaland football Coaches Association , youth pastor tem , Ao lanur entrepreneur, Baptist youth fellowship dimapur, youth advisor tem aser arogo balala nungi sanükertem jaoka liasü.