Kiralongrar anema raratsü asoshi Pakistan sorkari tetsür 46 shimtet

Karachi, June 04 (Agencies): Pakistan meyong Sindh sorkari kiralongrar den raratsü aser osangtsüsang bendentsü asoshi police indang counter-terror department nung tetsür 40 dak tali shimtetba ajanga iba province nung otsü tasen ka yangluogo, ta osang ajanga ashi.
Tetendangba balala agir shimba tetsürtem ya Pakistan Army ajanga training agütsütsü, ta ashi.
Tetsürtem ya police constable ama shim aser ita trok tashi training agiba sülen police nung anioktsü.
Jila aser yimtsüng nungi tetsür 46 den tebur 1,461 shimtet, ta Counter-Terrorism Department (CTD) aser Rapid Response Force indang tatidang osang nung metetdakja lir.
Tetsürtem temeden kümzüka ayutsü asoshi yimden yimsüsür temi temzüng aser ozüng aika yanglua liaka police nung tetsür ya shilem ana dang tajemba lir, ta osang ajanga ashir.
National Police Bureau (NPB) nung shia aliba agi, linük nung police 391,364 aliba nungi tetsür züngsem 5,731 dang lir.
Ketdangsertemi sobaliba aser tetsü-tebu yimya amshiba aser sorkar nung ketdangsertemi majungshiba ajanga police nung tetsür shilem kanga ajema lir, ta osang ajangasa ashi.