District 5 nungi power supply timtemtsü

Dimapur, June4 (TYO): June 1, 2017 nungi Mokokchung nung 220/132KV PowerGrid Sub-station anepalutsü atema shibangba ajanga Aolichen nung aliba Mokokchung Load Centre nung power peria magütsüteter, ta Sub-Transmission Division, Assistant Engineer, Thungbemo Lotha-i sangdong ka nung metetdaktsü.
Iba khuret ajanga district pungu- Mokokchung, Tuensang, Mon, Zunheboto aser Longleng nung ‘load shedding hours’ talila asütsüsa akümer. PowerGrid sub-station ji June 12, 2017 tashi shibangtsü akok, anungji normal power supply magütsü tashi nübortemi timtem arema atatsü mepishir, ta Assistant Engineer-isa sangdong nung ashi.