Miss World Japan-i Assam semdangtsü

Guwahati, June 05 (Agencies): 2016 Miss World Japan Priyanka Yoshikawa Eastern Himalayan Naturenomics Forum-2017 nung shilem agitsü asoshi Assam semdangtsü. Iba sentong ya November ita 2 aser 3 nü akatsü.
Priyanka ya certified shiti trainer ka lir aser shite tem anepalutsü asoshi lai inyakner. Lai iba sentong nung ‘community conservation’ aser ‘living in harmony with nature’ onük nung ajemdaker jembitsü. Lai India, Japan aser Asia nung eco-elephant tourism ajungkettsütsü asoshi imlar. Maneni la ya ‘Me for the World’ charity savings bank box brand ambassador lir. Iba sentong ajanga tanurtem dang sen rizünga yur alima asoshi langka tajung inyaktsü atema ajungshir. Lai Assam semdangba mapang school balala semdanga kaketshirtem den sensak asemtsü.