Eden Hazard temopu teloktep raksa. Ita pezü masayatettsü

Brussels, June 5 (Agencies): Chelsea aser Belgium international asayar Eden Hazard temopu teloktep raksaba osang Belgian football federation ajanga Deobarnü jangjatsüogo.
Arishi küm 26 tain Hazard par linük team den training agiba mapang pa tetsüng raksa aser iba ajanga Hombarnü Czech Republic den friendly asayatsü aliba aser Hokolbarnü 2018 World Cup qualifier Estonia den asayatsü aliba nung shilem magitettsü.
Par national team tweed ka nung yamai shia liasü, “Medical image ajanga @hazardeden10 tetsüng tachichi temopu teloktep lokteter aliba sayuogo.”
Hazard shibai Chelsea pur taoba seasong nung Premier League title akokba nung tongtibang shilem agi pa Hombarnü surgery agitsü aser ita pezü shi asaya nung shilem magitettsü akok, ta osang ka ajanga metetdaktsü.