Moto Z2 Play June 8 nü sayatsü

June 5, 2017 (Agencies): Lenovo meyong Moto-i second generation Moto Z Play handset India nung Brehostibarnü sayatsü asoshi renema lir. Moto Z2 Play ya tawa dollar $499 yong sayaa liasü koba India sen agi meyipra 32,200 shi adoktsü. Taoba Moto Z Play ama iba phone ajanga Moto Mod support asütsü.
Moto Z Play tejenba jenjang sen 24,999 liasü aser tawa OnePlus 5, Xiaomi Mi 6 aser Nokia 6 phone tem sayatsü aliba mapang Lenovo-i iba phone tasenba ya item phone tem den toktepba jenjang koda medemdanga adoktsü, ta aikati yongya atar.
Moto Z Play tejenba nung tesülen glass keta aliba ama masü saka Moto Z2 Play tasenba nung ‘sleek metal unibody design’ keta angutsü. Moto Z2 Play nung 2.2GHz octa-core Qualcomm Snapdragon 626 processor keta lir aser iba phone nung RAM aser storage option anana angutsü: 3GB /32GB aser 4GB/64GB, ta alitsü.
Z2 Play nung SIM card slot ana aser 256GB microSD card slot balaka ta keta alitsü imlar. Phone nung Corning Gorilla Glass dena 5.5-inch Full HD display keta lir aser gram 150 dang nungi tajemba lir. Iba phone ya ‘splash resistant’ lir saka ‘water proof’ bo masü.
Maneni Moto Z2 Play nung operating system ji Android 7.1.1 Nougat alitsü aser iba den külemi dual-tone Flash densem tesülen camera 12MP f/1.7 PDAF aser flash dena selfie camera 5MP f/2.0 keta lir. Phone nung tanga feature tem rong ano fingerprint scanner dena lir aser battery tashiji 3,000 mAh lir.
Moto Z2 Play tasenba ya June 8 nü nungi mekaa yutettsü. Iba phone jalia makaa yunertemi sen 2000 jilia agütsütsü nüngdaker aser tanungba sen ita 10 tsüngda nung kecha tetemlok makai aotettsü. Maneni Moto Z2 Play nung Armor pack keta yanglua lir koba nung phone kümzüka ayutsü asoshi ‘accessories’ tem keta lir.