April nung 4G download speed Reliance Jio temaba liasü: TRAI

New Delhi, June 06 (Agencies): April ita 4G network speed nung Reliance Jio indang network tekaraba liasü aser iba network indang download speed tekarabatibaji second ka nung megabit 19.12 liasü, ta Telecom Regulatory Authority of India (TRAI)-i sangdong.
TRAI ajanga data download speed ya MySpeed application amshia tendanga liasü. Iba tekara ya asadangra Bollywood movie ka minute pongu nung download süteter aser iba tekara ya second ka nung megabit 16 lir.
March ita nung Reliance Jio indang download speed ya second ka nung megabit 18.48 liasü aser April nung bo iba speed ya second ka nung megabit 19.12 junga liasü, ta osang ajanga ashi.
April ita nung Idea Cellular indang download speed ya second ka nung megabit 13.70 liasü aser Vodafone indang download speed ya secong ka nung megabit 13.38 liasü.
Vodafone India aser Idea Cellular külemi longjemtsü sangdongba sülen linük nung iba mobile phone operator ya tulu rongnung ka kümogo aser shishilembaba nung shilem 35 küma sen billion $23 tashi tongteta lir.
TRAI ajanga ashiba agi Bharti Airtel indang download speed April ita nung second ka nung megabit 10.15 liasü.