Medziphema Arogo nung Kibong Shisatokden agi

Dimapur, June 6 (TYO): June 2-4, 2017 tashi Medziphema Town Ao Baptist Arogo nung Kibong Shisatokden ka “Tsüngrem yimli abensadaktsüba Kibong” omen nung amendaker Tetsur Telongjem Luden-i acha-ayanga agiogo.
Iba shisatokden nung tongti O jembirji KABA Asso. Pastor, Wb. Sentisashi Aier liasü aser tebutem temeja, tetsütem temeja, lanurtem temeja aser Inti senden balala lemsar agia liasü.
Arogo nung tebutem aser tetsütem 97 tashi tenüng züluoka aden. Tongti O jembiri tanü putu tendak apet shisalen tajung aika agüja arogopurtem temoatsü ngudaktsüba atema pa dang pelaba den külemi Tsüngrem tenüngsanga iba osang lemsateper, ta MTABA-i sangdong ka nung metetdaktsü.