Qatar den tesentaktep pilaba ajanga kiralongraba tembangtsü: Donald Trump

Washington, June 6 (Agencies): Qatar den tesentaktep pilabaji kiralongraba tembangtsü atema tetenzüker lir, ta US tir Donald Trump-i Mongulbarnü metetdaktsü.
Hombarnü Saudi Arabia aser Egypt dena Arab linüktemi Qatar den tesentaktep malitsü telemtetba agi. Qatar-i talila bilemloka oa amangba Islam züngsemtem pusema yarir ta tai tonglokja parnoki iba telemtetba agi.
Qatar-i Gulf tesem nung mepetmesü adokdaktsütsü aser teraksa bener arutsü atema inyakba teloktem pusemer aser Qatar dak alia Iran-ia item telok kar pusema yarir, ta yashi Saudi Arabia, Egypt, Yemen, Bahrain, Libya, UAE aser Maldives linüktemi Qatar den tesentaktep malitsü lemtet.
Ajisüaka, Qatar-i parnok dak tai tongloktsüba onükji magizüker ta metetdaktsü. Gulf nung kidanger linüktemi par linük madak kibur kümnür ta parnoki meyiper aitsüogo.