Ketdangsertemi ki 120 rongtoktsü

Guwahati, June 07 (Agencies): Bodhbarnü Dibrugarh district administration-i Brahmaputra ayong kümbang nung ali atsünga ki sür aliba aika rongtoktsü.
Iba ki azüngtetba maparen ya Fulbagan tesem nung inyakdar. Ketdangsertemi Dibrugarh jila anasa ki 120 rongtoktsü.
Temetettsükaji ketdangsertemi taoba mapang nung item nisungtem aiben iba tesem nungi meindokadokogo, saka parnoki Brahmaputra tzüküm nung maneni ali atsünga arua alir.
Iba tesem nung tensa mejungi kümogo saka tensa azüoktsü atema security force talila yokogo.