7th Pay Commission: Central sorkar mapa inyakertem July nungi revised allowance angutsü

New Delhi, June 10 (Agencies): 7th Pay Commission-i benokba ama, taruba ita nungi tenzüka Central srokar mapa inyakertem allowance timba angutsü, ta osang ka ajanga metetdaktsü.
Kasa osang ajanga ashiba agi, July ita nungi tenzüka sorkari house rent (HRA) densema revised allowances agütsütsü.
Tan hopta Union Cabinet senden ka mena 7th Pay Commission report nung ajemdaker HRA aser higher allowances indang o lemteptsü, ta osang angazüker.
Taoba Hokolbarnü Empowered Committee of Secretaries (E-CoS)-i parnok indang allowance report Cabinet nem agütsüogo.
E-CoS-i AK Mathur Panel report nungita, House Rent Allowance (HRA) shilemji Class X, Y aser Z yimtitem indang basic pay shilem 24, 16 aser 8 asütsü agizük.
Iba denji kasa HRA rate ji DA shilem 50 den timba süra shilem 27, 18 aser 9 revise asütsü aser DA shilem 100 den timba süra shilem 30, 20 aser shilem 10 revise asütsü.
Tang Class X, Y aser Z yimtitem/jilatem atema HRA rate ji Basic pay shilem 30, 20 aser 10 shilem lir.
Taküm April ita nung Union Cabinet-i 7th CPC (Central Pay Commission) recommendations-i pay aser pension benefits dak sendakba nung benokbatem agizük.
Linük nung Central sorkar mapa inyaker nisung lakh 47 shi lir.
CPC-i pay aser pension nung benokbatemji Cabinet-i agizüka inyakdar saka allowances bo akhi ama kasa dang agütsüdar.