London amakertemi truck gari amshitsü merang: Police

London, June 10 (Agencies): London Bridge amakertemi truck gari ka amshitsü tasa atong saka ibaji matalok, ta Honibarnü police-i metetdaktsü.
Nisung asem jagi payment details magütsütetba ajanga truck gariji hire mesütet aser iba jagi parnoki gari tilaka amshia kiralongra mapa inyak, ta osang ajanga ashi.
June 3, 2017 aonung par asemi London Bridge nung nisungtem dak atsükba sülen Borough Market nung alirtem dak kotari agi tsüngyonga ao. Iba lendong nung nisung 8 asü.
Police-isa ashiba agi, nisungtem ket nung 30cm pink ceramic kotaritem aser van gari nung petrol bomb tem bena liasü.
Kiralongrartemji Khuram Shazad Butt, Rachid Redouane aser Youssef Zaghba ta jangjaogo. Parnok ajak ya sepaitemi khaset.