US special forces-i Philippines sepaitem yarir

Washington, June 10 (Agencies): Philippines sepaitemi Marawi yimti IS den tesentaktep aliba telungpurtem ket nungi meyipa agitsü merangba nung US special forces-i yariteper, ta army-i Honibarnü metetdaktsü.
US special forces-i army den yariteper, ta Lt. Col. Jo-ar-Herrera-i osangbener senden ka nung ashi.
“Parnoki raraba nungbo shilem magir, saka technical support agütsür” ta paisa ashi.
Tesüiba mapang Philippines tir Rodrigo Duterte-i US sepaitem par linük nungi meindoktsü ta jembia aru.
May 23, 2017 nungi sepaitemi Marawi yimti nung telungpurtem longpanga lir. Sepaitemi parnok den tesüsaba khatepba nung Philippines marines 13 tashi taküm sama, ta osang ka ajanga metetdaktsü.
Islamic State wako amer telungpur noklang aika iba yimti nungi jena mouteti lir. Parnokji Philippines nung IS emir, Isnilon Hapilon aser Maute adianu Omar o Abdullah nunger lenisüba kübok lir.
Iba rara nung sepai 58, kiralongrar 138 aser civilian 21 tashi taküm samaogo. Tang tashi nung sepaitemi yimti nung shilem 90 shi telungpur ket nungi meyipa agiogo.
Rara tenzükba anogo tir Duterte-i Mindanao tesem ajungalen ‘martial law’ alitsü tetuyuba agüja liasü.