Force India mayoktsü: Mallya

June 10, 2017 (Agencies): Force India co-owner Vijay Mallya pa indang Formula One team force India, Australian David Brabham mesera Bernie Ecclestone dang ayoktsü akok ta asüba osangji shidak masü ta jangjatsüogo.
Hokolbarnü Osang benertem den jembidang pai ashiba agi pa India sorkar den temzüng tsütsü timtem liaka pa team mayoktsü ta metetdaktsü.
“Brabham den iba dak sendakba nung tang tashi nung pa ajurua sensaksema mali. Bernie kü medemer lir aser yamaji dang alitsü aser iba team ayoktsüba indag kecha jembia mali,” ta pai ashi.
Ecclestone ya Brabham team kibur kümogo. Iba team ya asür Jack Brabham-i 1970s aser 1980s mapang ngutet.
Osang kaket ka ajanga taoba ita Jack Brabham’er jabaso David-i Force India alitsü akok ta sangdonga liasü. Maneni tanga osang ka ajanga ashiba agi, arishi küm 86 tain billionaire Ecclestone-a iba team aliner rongnung densema lir ta sangdonga liasü.