CNC-i Lungrei asüba mangyimer

Dimapur, June 11 (TYO): Tanü nikongdang 2:45 ako meta Lungrei Ramsan, arishi küm 100 nung alima nungi pilaba osang angashia Council of Nagalim Churches (CNC)-i mangyimer, ta CNC General Secretary, Rev. Seksim Kasar-i sangdong ka nung metetdaktsü.
Pa ya Steering Executive Committee, NSCN aser taoba mapang Naga Army tongti, General Hansi Ramsan tebu liasü. Pai jabaso tenet aser jala pezü den semchir aser tanabuba semchir aika toktsür alima nungi pilaogo.
“Iba ama mangyim mapang nung Council of Nagalim Churches-i mangyimer kibong züngsemtem den mangyim lemsateper. Tsüngremi parnok nem anisüngzük den tesünep agüjang aser asür nem tatem maka anisüngzük agüjang ta sarasademtsür,” ta sangdong nungsa shia lir.