28 AR-i sen lakh 1 jenjang yi apu

Dimapur, June 11 (TYO): Osang ka lazükba nung ajemdaker June 11, 2017 nü HQ IGAR (N) kübok 28 Assam Rifles sepaitemi Foot Hill Road Junction, Wokha nung Mobile Vehicle Check Post amenoker mitba mapang nung sen lakh ka jenjang yi puogo, ta AR sangdong ka nung metetdaktsü.
AR sepaitemi Maruti Gypsy NL 06 1847 soter mita reprangdang Indian Made Foreign Liquor- Mc Dowell Rum pongdang 295 aser Foster beer 238 den nisung ana apu. Tenaji arishi küm 35, Tsenbemo Ngullie aser arishi küm 35 Kr. Nren Ngullie na liasü, aser tenaprong Wokha village nung alir. Maneni bushisüngdangtsü atema tena den yiji Bhandari Police Station ket nung agütsüogo, ta sangdong nungsa shia lir.