ENPO & ENNWU külem senden amen

Dimapur, June 11 (TYO): June 10, 2017 nü Bookmarc, Bank Colony Dimapur nung Eastern Naga People’s Organization (ENPO) aser Eastern Naga National Workers Union (ENNWU) tsüngda senden ka amen, ta sangdong ka nung metetdaktsü.
Senden nung tir Khoiwang-i anir ENPO züngsemte, Eastern Naga Women Organization (ENWO), Eastern Naga Students Federation (ENSF) aser tribal President 6 aden aser ENNWU tenüng nung Convener B. Moba Chang Kilonser, Co-Convener, Thsanfu Steering Committee Member, General Secretary, L.P. Kamthong Steering Committee Member, Jt. Secretary, Bitong, Dy. Kilonser aser Collective Leadership züngsemtem- Tongmeth Wangnao o TT. Among nungertem aden, ta GPRN MIP sangdong ka nung ashi.
Senden nung Eastern Nagaland nunger dak sendakba onüktem benoka olemtep aser ENPO tir, Khoiwang Konyak-i o jembidang, Eastern Naga atema state balaka tentettsüba aser telungjem o yimjung alitsü indang onüktem lemsatep.
Pai collective Leadership dang iba takhangbaji Centre dangi abentsü aser Eastern Naga tesemtem nung timtem alibatem metetdaktsütsü mepishia metetdaktsü, ta MIP sangdong nung shia lir.
Senden nung ENPO resolution 2002 sangdongba nung masetshii nokdaktsü aser India sorkar den tang teinyakdak yimjung maparen pusema nugittsü aser tatembang kati maru tashi yariteptsü bangzünga renem, ta MIP sangdong nungsa metetdaktsü.