Dimapur nung Khaplang bilemtetba sentong agitsü

Dimapur, June 15 (TYO): NSCN-K telok nung taoba Tir aser asür S.S.Khaplang bilemtetba sentong ka IMC Hall Dimapur nung Honibar (June 17) nikongdang 1:00 ako nungi agitsü asoshi Eastern Nagaland Peoples’ Organisation (ENPO) aser Nagaland Tribes Council (NTC) telok nati ayongzüka lir.
Iba sentong nung Nagaland Tribes Council (NTC) Tir Wb.Lendinokdang Ao aser ENPO Tir Wb.Khoiwang Konyak nati jembitsü aser asür S.S.Khaplangi inyakba mapatem indang Wb.Niketu Iralui ashitsü.
Iba sentong nungsa NNPGs Working Groups, CNTC aser NGBs Federation teloktem nungia shilem agia jembitsü.