Karate Kid director John G. Avildsen süogo

Los Angeles, June 18 (Agencies): Director John G. Avildsen, shibai Hollywood star Sylvester Stallone adokba film Rocky aser original Karate Kid film asemprongla direct süa liasü, pa arishi küm 81buba nung süogo.
Avildsen-i ‘Rocky’ film direct asüba atema Directors Guild of America Award (DGA Award) angu aser ano Best Picture aser Film Editing atema Oscar dena nguogo.
1983 küm pa maneni documentary short film “Traveling Hopefully’ atema Oscar nung nominate süa liasü.
“Onok director John Avildsen asüba osang angashia kanga temolung mepelar. Pai 1976 küm Rocky film direct asüba atema DGA Feature Film Award anguba aser ano tanga mapatem rongnung ‘Save the Tiger’ aser ‘The Karate Kid’ franchise nung shilem agibatem metetshii melitet,” ta Director’s Guild-i sangdong ka ajanga metetdaktsü.
Pa taküm aliba mapang DGA’s National Board nung term asem tashi inyak; DGA’s Eastern Directors Council nung 1977-1990 tashi inyak, Western Directors Council nung 1992-1994 tashi inyak, aser 1987 aser 1996 DGA Negotiating Committees nung züngsem ama inyak.
Avildsen indang tanga film tem rongnung Joe (1970) densema lir. Iba film nung Susan Sarandon aser Peter Boyle nati tongti shilem agi aser iba ya pai direct asüba mezüngbuba film liasü.
Avildsen-i jala Bridget, aser jabasotem Anthony, Jonathan aser Ashley doktsür iba lima nungi pilaa ogo.