‘The Big Sick’ film India nung June 30 nü sayatsü

Mumbai, June 18 (Agencies): Bollywood nung actor tain, Anupam Kher-i shilem agiba American film ‘The Big Sick’ India nung June 30, 2017 nü sayatsü.
Michael Showalter-i direct asüba film ya Silicon Valley nungi Kumail Nanjiani taküm otsü nung ajemdaker yangluba film lir.
Nanjiani o pa kinüngtsü Emily V. Gordon nati iba film otsü zülu aser Nanjiani-ia film nungji shilem agia lir.
Romantic comedy film ya India nung MVP Entertainment ajanga sayutsü, ta production company sangdong nung shia lir.
Kasa film nung Shehnaz Treasury, Holly Hunter, Zoe Kazan, Ray Romano, Bo Burnham aser Aidy Bryant nungeria shilem agia lir.
‘The Big Sick’ film ajanga Pakistan nung asoba comedian Kumail (Nanjiani)-i standup sentong ka nung shilem agiba sülen graduation kaketshir, Emily (Kazan) den sendaktepa akümba otsü ashir.
Tenati aonung ka dang meimteptsü südi ta bilemer, ajisüaka tena kanga meimtepa akumer, aser Kumail’er tsüraburtemji Muslim yimsü akhanga benshiba tamangertem asübayong timtem aika ajangshir aser par kibong o pa melungjang na tsüngda pa mejeper.
Emily mejangjaba tashidak ka agi yareta (maneni) shirangba ajanga Kumail aser pa tsüraburtem, pai kodanga majurudangba nisungtem- Beth aser Terry (Holly Hunter aser Ray Romano) nunger den külemi la semdangi aoer.