Honor 8 Pro India nung taruba ita sayatsü

June 18, 2017 (Agencies): Smartphone camera technology jenjang temaba kati ajungketa Chinese smartphone company Huawei kübok nüngtugu ‘Honor brand’-i India nung “Honor 8 Pro” sayatsüba lir. Iba phone nung 4th generation duel-lens camera keta lir.
“Honor 8 pro” smarthphone ya July ita tetenzüklen sayatsü renema lir aser jenjang 37,000 shi asütsü imlar.
“Honor 8 Pro” nung 12MP duel-lens camera keta aliba ajanga tamshirtemi noksa quality tajung tangoktettsü. Camera nung ‘optical lenses’, ‘sensors’, ‘image processing algorithms’ tem keta lir koba ajanga DSLR camera tem mesüka noksa aser video nung effects agütsür.
“‘Honor 8 Pro’ nung 4th generation camera setup ajanga onok küm aika dual-camera setup nung inyaka aruba tajungtiba sayutsü aser iba ajanga India nung iba phone amshirtemi noksatem tajung tangoktetba reprangtettsü,” ta, , Huawei India Consumer Business Group nung Director, Product Centre, Allen Wang-i osangbenertem dang ashi.