Mokokchung DC-i sangdonger

Mokokchung, June 19 (TYO): Hombarnü Mokokchung Deputy Commissioner office sangdong ka ajanga, Mokokchung District, Tuli Sub-Division, Additional Deputy Commissioner, Tuli indang Administrative Jurisdiction kübok Wamaken Yimsen Village-i yimtsüng tasen agizüktsü atema benokogo, ta metetdaktsü.
Iba dak sendakba nung Mokokchung Deputy Commissioner, Sushil Kumar Patel-i, iba yimtsüng agizüktsü atema tashishitsü kar danga lira iba sangdong agütsüba anogo nungi tenzüka anogo 30 tsüngda DC, Mokokchung office nem metetdakjang, tashishitsü o kecha marura ‘No Objection” jenjang agütsütsü aser nüngdakba mapatem inyaktsü atema sorkar nem agütsütsü, ta metetdaktsü.
Iba yim arrtsütemji: North: Kojem-Azung Nallah, South: Rangkang Lenden, East: Kongkiangshi Nallah, West: Lepenyong Nallah lir.