Noklak nung June ita atema SDPDB senden amen

Dimapur, June 19 (TYO): June ita atema Noklak SDPDB senden June 15, 2017 nü menogo; ADC & Vice Chairman SDPDB, Noklak, Thsuvisie Phoji leniba nung iba senden mena liasü.
Board senden tenzüka Chairman-i züngsem ajak pelaa agizükba sülen Noklak nung SDEO tasenba, T. Marungba tejak shioja liasü.
Senden nung Board-i Panso Area Village, VCC aser Head GB-i Panso, EAC Headquarter nungi SDO (C) Headquarter jenjangi ajungkettsü mepishiba onük nung o lemtep, aser kasaji tim ketdangser matsüngdang benoktsü lemteta liasü.
Senior Medical Officer, Noklak-i Sub-Centre Pang village nungi Primary Health Centre jenjangi ajungkettsü atema mepishiba onük nung o lemtepba sülen ibaji temaba ketdangsertem matsüngdang benoktsü Board-i lemteta liasü.
Minister aser Parliamentary Secretary-i benokba 56 & 57 Assembly Constitution dak sendakba LADP 2017-18 scheme-a tim department dangi benoktsü atema agizüka liasü.
Iba dak alia senden nungsa Pathso Village Council Club renew asütsü atema sorkar matsüngdang benoktsü asoshi lemteta liasü.
Board-i Medical Department, Noklak dang taruba SDPDB senden nung parnok indang department mapatem indang osang metetdaktsütsü nungloktsü.