Mkg nung NCC Annual training camp agir

Dimapur, June 20 (TYO): Tzünglu arua tsüngsang mejungaka Mokokchung nung anogo 10 nü NCC annual camp agidar aser cadet temi Traffic Rules Lecture cum Practical Class nung denogo.
Iba class ji Sub Inspector C Patton aser par teloki agi aser C Patton-i NCC cadet tem dang road safety aser traffic dak sendakba onüktem nübor nem metetdaktsütsü atema ayongzük.
Tanü nungi First Officer Nokpang Konyak aser 3/O Imtilepba na ketdangsüba kübok blood donation camp tenzük aser SD cadet asemi azü tenla.
Maneni, First Officer Tzuwar, 3/O Hontin Konyak aser 3/O Indenmongba na ketdangsüba nung aser PI staff Hav Rajan kübok “Shoot To Win” ta ser firing practice tenzükogo.
Second Officer Nurul Islam-i RD Parade Delhi atema Arms Drill Squad ka tentettsü asoshi mapa inyakdar. Cadet temi telemsa ajak nung shilem junga agidar aser nikongdang tribal martial dance nunga shilem agir.