Kohima DC-i Gariphema yimtsüng semdang

Kohima, June 20 (TYO): Kohima Deputy Commissioner, Rajesh Soundararajan-i Honibarnü Gariphema yimtsüng semdang.
Gariphema yimtsüng ya India nung mezüngbuba ‘Tobacco free’, ‘Declaration of Elimination of Violence against Women ‘ aser ‘One Church, One Administrative Council’ narokümtem anguba yimtsüng lir aser iba atema DC Soundararajan-i tenüngsang agütsü.
Maneni, Gariphema ya Angami aser Sema nunger temeyoktep yimtsüng ka lir aser iba ya ajanga telongjem indang tatishitsü tajung sayur, ta paisa ashi.
Soundararajan-isa Coffee Plantation Farm semdang aser iba mapang Joint Secy. Department of Land Resources, ADC Chiephobozou, SDO Civil Chiephobozou, District Land Resources ketdangsertem aser tanga district ketdangsertemi pa meina liasü.
GVYO President Kezhangulie Kire-i ketdangsüa Gariphema nung Coffee Nursery lapokba, Coffee lu ayimba maparen ajungketba aser Land Resources Department ajanga coffee metsü agütsüba atema Kohima DC-i pa nem tenüngsang agütsü.
Ketdangsertemisa Trinitarian spot, open amphitheater aser NCRC archive museum tem semdanga liasü.