School amenoktsü atema süngo lu nungi ali meshir

June 20, 2017 (Agencies): Assam Education aser Health minister Himanta Biswa Sarma-i tanü ashiba agi, süngo lu shia nung high school amenoktsü aoshi ali acre kaka mekazüktsü atema sorkari bilemdangdar.
Süngo lu shia nung High school amenoktsü asoshi ketdangsertemi süngo lu ketdangsertem dang ali meshia liasü, saka parnoki memolungba ajanga iba sentong ya asadangdar, ta Sarma-i ashi. Assam nung süngolu nung inyakertem atema healthcare facility tajungba agütsütsü asoshi Mobile Medical Units (MMUs) lapoktsüba sentong nung pai iba olen ya ashi.
Pai sa ashiba agi, sorkari school amenoktsü asoshi süngolu nungi ali tila ka meshirba dang lir.
Maneni government medical college tem nung süngolu nungi kaketshirtem nem MBBS courses atema quota 8 agüja aliba nung 18 kümtsüba ajanga iba lokti tali ajangzüktsü, ta Sarma-i ashi.