Angh Acharya-i Yoga Day nung shilem agitsü ayongzüker

Dimapur, June 20 (TYO): International Yoga Day nung ni Nagaland nung alir ajak dang Prime Minister Narendra Modi-i tenzükba sentong nung shilem agitsü ayongzüker, ta Nagaland Angh, PB Acharya-i metetdaktsü.
Yoga ya akhi India sobaliba nungi anguba sempet tulu ka lir. Küm 15000 tejakdang India nung yoga tenzük aser alima nung meimchirtemi iba ya kanga sapua agizük, ta Angh-isa ashi.
Yoga ajanga tekolok aser temang longjemdaktsür aser nübortem o alima tsüngda teputep adokdaktsür. Yoga ajanga temang anema yutsür aser tepela agütsür. Anungji, asenok anema alitsü atema asen taküm nung Yoga ya shilem ka kümdaktsütsüla, ta paisa ayongzük.