Kohima LBC-i Tebutem anogo amung

Kohima June 21 (TYO): June 18, 2017 nü Kohima Liangmai Baptist Church-i Tebutem anogo among, aser iba sentong nung Liangmai Baptist Association (LBA) Women Department Tir, Akengiu shisalen sayur liasü.
Sentong nung jembidang Akengiu-i, tebutemji kibong nung walunirtem lir aser tebutemi kibong nung temelung lemtetdaktsür, ta ashi.
“Tebutemji tamang katetba tembartem lir aser tesangwa sayurtem lir. Iba anogomung nung asenoki parnok dang temeim sayua akhüm agütsütsüla,” ta laisa ashi.
Kohima Liangmai Baptist Church Women Department-isa iba sentong nung adener tebutem shia nem sempet agüja liasü.
Iba sentong ya LBA Women Department General Secretary, Tawangliu leniba nung agia liasü.