Sen 19,999 jenjang Gionee A1 Virat Kohli signature edition sayaogo

June 20, 2017 (Agencies): India nunger cricket asayar nüngtugu, Virat Kohli indang Signature Edition Gionee A1 smartphone Amazon nung angutsü, ta Gionee ajanga sangdongogo. Iba Gionee smartphone tasenba indang tesülen cover nung Gionee Brand Ambassador, Virat Kohli signature lir.
Iba phone ya Amazone nung june 27, anüngdang 12:00 ako nungi tenzüka sen 19,999 agi angutsü aser company website ajanga tanü nungi tenzüka jelia meka-a yutettsü. Jelia meka-a ayuba ajanga customer nem Sennheiser indang headphone den ano oset kar angati agütsütsü.
Gionee ajanga iba company indang brand ambassador atema Shruti Hasan, Diljit Dosanjh, Dulquer Salmaan aser Prabhas nungera shimogo.
Iba smartphone indang battery tashi ya 4010mAh lir. Gionee A1 tejaklen camera ya 16-megapixel, fixed focus, f/2.0 aperture, 1/3.06-inch sensor, 5P lens aser selfie flash keta lir. Dual-SIM amshitetba Gionee A1 smartphone nung Amigo 4.0 dak ajemdaker Android 7.0 Nougat lir. Iba phone indang display ya 5.5-inch full-HD (1080 x 1920 pixels aser MediaTek Helio P10 (MT6755) SoC inoka lir.
Gionee A1 phone tesülen camera ya 13-megapixel den 1/3.06-inch Sony IMX258 sensor aser dual-LED flash keta lir. Iba smartphone ya India nung March ita sayar liasü.